Bugun Yangiyer shahar “Sirli olam” istirohat bog‘ida shahar prokuraturasi tashabbusi bilan Aholi bandligiga ko‘maklashish markazi hamkorligida Yangiyer shahar Adliya bo‘limi, Yangiyer shahar Prokuraturasi, Majburiy ijro bo‘limi, Probasiya bo‘limi tomonidan aliment to‘lovchilar va shahardagi band bo‘lmagan ishsiz sfuqarolar uchun bo‘sh ish o‘rinlari yarmarkasi tashkil etildi.
O‘tkazilgan bo‘sh ish o‘rinlari yarmarkasida shahardagi 22 ta korxona va tashkilotlar o‘zlaridagi mavjud 224 ta bo‘sh ish o‘rinlari bilan ishtirok etishdi.
Yarmarkada 150 nafarga yaqin ishsiz fuqarolar qatnashdi. Jumladan Probasiya bo‘limida hisobda turuvchilar 10 nafar, aliment to‘lovchi qarzdor 35 nafar fuqarolar ishtirok etishdi.
Yarmarkada markaz hodimlariga 23 nafar fuqaro (shundan 3 nafar yoshlar, 7 nafar ayollar) murojaat qilib, shulardan 8 nafar fuqaroga ishga joylashish uchun yo‘llanma berildi, 15 nafar fuqaro (shundan 3 nafar ayollar, 7 nafar yoshlar)ga huquqiy maslahat berildi.
Yangiyer shahar hokimligi matbuot xizmati