Mirzaobod tumani Aholi bandligiga ko‘maklashish markazida tuman IIB probatsiya guruhi hisobida turgan shaxslar bandligini ta’minlash maqsadida, joriy yilning 25-fevral kuni bo‘sh ish o‘rinlari va vakant lavozimlari yarmarkasi o‘tkazildi.
Tadbir ishtirokchilari, tuman-shaxar, korxona va tashkilotlardagi mavjud bo‘sh ish o‘rinlari bilan tanishtirilib, shundan 5 nafar fuqaroga ish bilan ta’minlanishlari uchun yo‘llamalar berildi, 4 ta fuqaro ish bilan ta’minlandi hamda Guliston shahridagi “Ishga marxamat Monomarkazi”ga 2 nafar fuqarolarga o‘qishga yo‘llanmalar berildi.
Shu bilan birga mehnat yarmarkasida ishtirok etgan jismoniy va yuridik shaxslarning 8 nafariga Aholini ish bilan ta’minlash to‘g‘risida, Mehnat muhofazasi hamda mehnat qonunchiligi to‘g‘risida, kasb tanlash, o‘z kasbini o‘zgartirish va o‘zlarini qiziqtirgan savollar bo‘yicha huquqiy maslahatlar berildi.
Mirzaobod tumani hokimligi Axborot xizmati