Ҳурматли фуқаролар!

        Коронавирус пандемиясига қарши курашиш юзасидан олиб борилаётган профлактик тадбирлар доирасида вилоят Бандлик бош бошқармаси ва унинг жойлардаги Аҳоли бандлигига кўмаклашиш марказлари Сизларни ўз уйингизда иш билан таъминлаш акциясини эълон қилади.

Бунинг учун ўз уйингизда камида 4 сотих томорқа майдонингиз мавжуд бўлса, қуйидаги тадбирлар амалга оширилади:

томорқа майдонингизга кичик (1-1,5 сотихли) иссиқхоналар қуриб берилади;

томорқангиз учун уруғлик ва кўчат маҳсулотлари харид қилиб берилади;

томорқангизни суғориш имконияти бўлмаса, суғориш воситаси ўрнатиб берилади.

Ушбу ишлар Бандликка кўмаклашиш давлат жамғармаси маблағлари ҳисобидан базавий ҳисоблаш миқдорининг 10 баробаригача (ҳозирги кунда миллион 230 минг сўм) қайтариб бермаслик шарти билан субсидиялар тақдим этади.

Шунингдек, оилангизда меҳнатга лаёқатли аъзо бўлмаса, жамоат ишларига жалб қилинган фуқаролар томонидан томорқангизда экин экиш ишлари олиб борилади.

Агар Сизга меҳнат стажи зарур бўлса, у ҳолда Сизга меҳнат стажини ҳисоблаш учун зарур бўлган ўзини ўзи банд қилиш гувоҳонамаси ҳам расмийлаштирилади.

Ҳурматли фуқаролар! Агар хонадонингизда 4 сотих томорқа майдонингиз мавжуд бўлса, карантин қоидаларига амалга қилган ҳолда УЙДА ЎТИРИНГ – БИЗ СИЗНИ ЎЗ УЙИНГИЗДА ИШ БИЛАН ТАЪМИНЛАЙМИЗ.

        Мурожаат учун телефонлар 78-221-10-02, 221-10-05.

Сирдарё вилояти Бандлик бош

бошқармаси матбуот хизмати