Keyingi besh yilda O‘zbekistonni rivojlantirishning 7 ta ustivor yo‘nalishi doirasida 100 ta maqsadlarga qaratilgan aniq vazifalar belgilandi, jumladan, 2022 yilda amalga oshirilishi lozim bo‘lgan 398 ta chora-tadbirlar moliyalashtirilib, umumiy qiymati 55 trilion so‘m va 11,7 milliard dollar miqdordagi mablag‘ yo‘naltirildi. Ushbu ma’lumotlar Bandlik bosh boshqarmasi majlislar zalida O‘zbekiston Respublikasi Prezidentining 2022 yil 28-yanvardagi “2022-2026 yillarga mo‘ljallaggan Yangi taraqqiyot strategiyasi to‘g‘risida»gi Davlat dasturiga oid seminarda alohida ta’kidlandi.
Unda boshqarma boshlig‘ining birinchi o‘rinbosari Jamshid Alimov, O‘zbekiston XDP Sirdaryo viloyati Kengashi raisi o‘rinbosari Primqul Zarmasov, Guliston shahar Kengashi raisi Gulnora Useinova, «Yuksalish» umummilliy harakati viloyat bo‘limi xodimi Baxrom Ummatovlar ma’ruza qildilar. Ma’ruzachilar o‘z chiqishlarida, “2022-2026 yillarga mo‘ljallangan Yangi taraqqiyot strategiyasi da”gi ustuvor vazifalarning har birga alohida to‘xtalib o‘tildi.
Seminar davomida, Davlatimiz rahbarining “Yangi O‘zbekiston strategiyasi” kitobining navbatdagi taqdimoti ham o‘tkazildi.
Sirdaryo viloyati Bandlik bosh boshqarmasi matbuot xizmati