Маълумки, 2019 йил 28 декабр куни иқтидорли болаларни аниқлаш, уларни ҳар томонлама қўллаб-қувватлаш, уларнинг истеъдод ва маҳоратларини намоён қилишлари учун имконият яратиш, ёш авлоднинг маънавий оламини бойитиш, маданий савиясини юксалтириш, санъат ва гўзалликка интилишини кучайтириш, миллий санъат анъаналари ва йўналишларини сақлаб қолиш, ривожлантириш ва давом эттириш мақсадида “Камалак юлдузлари” болалар ижодиёт фестивалининг вилоят босқичи ўтказилган эди. Танлов якунларига кўра, 22 нафар ёшлар ғолиб этиб топилди.
Жорий йилнинг 9 январь куни Гулистон шаҳар 1-сонли БМСМда “Камалак” юлдузлари” болалар ижодиёт фестивалининг вилоят босқичи ғолибларини тақдирлаш маросими ўтказилди.
Тадбирда вилоят босқичи ғолибларидан 5 нафар жамоа, 17 нафар якка иштирокчилар Ўзбекистон ёшлар иттифоқи Сирдарё вилоят Кенгашининг диплом ва статуэткалари топширилди.
Анвар ТУЙЧИЕВ
Ўзбекистон ёшлар иттифоқи Сирдарё вилояти Кенгаши раисининг матбуот котиби, Ахборот сиёсати масалалари бўйича раиснинг маслаҳатчиси